Ահաբեկիչները վրեժխնդիր էին լինում Օլանդից. «Բատակլանում» ահաբեկչությունից ողջ մնացած պատանդ
Աշխարհ
Փարիզում մի շարք ահաբեկչությունների ժամանակ ողջ մնացած մարդիկ AFP լրատվական գործակալությանը պատմել են, թե ինչ են ապրել այդ գիշեվա ընթացքում:
Ռադիոհաղորդավար Պիեր Ժանզակը ողբերգության պահին եղել է «Բատակլան» համերգասրահի պատշգամբում, որի այցելուներին ահաբեկիչները պատանդ են վերցրել: Ժանզակի խոսքով՝ նա գնացել է Eagles of Death Metal ռոք խմբի համերգին քրոջ և ընկերների հետ: Սկզբում նրանք չեն հասկացել, թե ինչ է տեղի ունենում: Նրանք կարծում էին, որ կրակոցները շոուի մի մասն են:
«Սկզբում մենք մտածեցինք, որ դա շոուի մի մասն է, սակայն շատ արագ հասկացանք ամեն ինչ: Ամենուրեք արյուն էր և մարդկանց դիեր: Մարդիկ բղավում էին: Յուրաքանչյուր ոք փորձում էր փախչել այնտեղից», - ասել է ռադիոհաղորդավարը:
Նա հայտնել է, որ նրանք թաքնվել են զուգարանում, որտեղ երկու ժամ են անցկացրել: Այդ ընթացքում ոստիկանությանը հաջողվել է շենքի վրա գրոհ իրականացնել:
«Ահաբեկիչները պատանդ են վերցրել մոտ քսան մարդու, և մենք լսել ենք, թե ինչ են նրանք խոսում: Ես հստակ լսեցի, որ նրանք ասում են. «Մեղավորն Օլանդն է՝ ձեր նախագահը, նա չպետք է ներխուժեր Սիրիա»:- Նրանք խոսեցին նաև Իրաքի մասին», - հիշում է նախկին պատանդը:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
