Ահաբեկչական սպառնալիք՝ Մելբուռնի նավահանգիստներից մեկում. ԶԼՄ-ներ

Ավստրալիական Մելբուռն քաղաքի ոստիկանությունը շրջափակել է նավահանգիստի տարածքը՝ ահաբեկչության սպառնալիքի պատճառով: Ինչպես հաղորդում են ԶԼՄ-ները՝ վկայակոչելով տեղական բնակիչներին, կա տեղեկատվություն, որ նավերից մեկի վրա հայտնաբերվել են պայթուցիկ նյութերի հետքեր:

Պայթուցիկ նյութերի հայտնաբերման վերաբերյալ տեղեկատվության պաշտոնական հաստատում դեռևս չի եղել: Այնուամենայնիվ, ոստիկանները հաստատել են, որ սպասում են սակրավորների ժամանմանը:

«Մենք տարհանել ենք երկու զբոսանավ: Սակրավորների խումբն արդեն ճանապարհին է»,- NTNews պորտալը մեջբերում է Վիկտորիա նահանգի ոստիկանության մամուլի խոսնակին: