Ուժայինները գրոհել են Radisson հյուրանոցը. պատանդների թվում կան զոհեր

Բամակոյում Մալիի ուժայինները գրոհել են Radisson հյուրանոցը, որտեղ ահաբեկիչները պատանդ են վերցրել մարդկանց: Ինչպես հաղորդել է Al Arabiya հեռուստաալիքը, արդեն ազատ է արձակվել 20 մարդ:

Turkish Airlines-ի երեք աշխատակցի հաջողվել է հեռանալ հյուրանոցի շենքից: Թուրքիայի ԱԳՆ-ի տվյալներով՝ հյուրանոցում եղել է ավիաընկերության 7 ներկայացուցիչ:

Ըստ առկա տեղեկությունների՝  զինյալները սպանել են երեք մարդու՝  մեկ ֆրանսիացու և երկու մալիացի անվտանգության աշխատակցի: Պատանդների թվում կան Թուրքիայի, Ֆրանսիայի և Չինաստանի քաղաքացիներ: