Մալիում ազատ է արձակվել 80 պատանդ

Մալիում Radisson Blu հյուրանոցում իրականացված հատուկ գործողության արդյունքում ազատ է արձակվել 80 պատանդ, հաղորդում է Reuters գործակալությունը՝ հղում անելով տեղական հեռուստատեսությանը:

«Նրանք ներխուժել են հյուրանոց: Ներկա պահին պատանդառվածների ազատման գործողություն է իրականացվում»,- ասել է ոստիկանության աղբյուրը:

Նոյեմբերի 20-ի առավոտյան Մալիի մայրաքաղաք Բամակոյում գտնվող հայտնի Radisson Blu հյուրանոցում հրաձգություն է սկսվել: Պատանդառվել է շուրջ 170 մարդ: Վերջին տեղեկություններով՝ զոհվել է 9 մարդ:

Ավելի վաղ հաղորդվում էր, որ Մալիի հատուկ նշանակության ուժերը մտել են Radisson Blu հյուրանոց: