Մալիի իշխանությունները պաշտոնապես հաստատել են 19 պատանդների մահվան փաստը

Մալիի նախագահ Իբրահիմ Բուբաքար Քեյթը պաշտոնապես հաստատել է 19 մարդու մահվան փաստը, որոնց նոյեմբերի 20-ին ահաբեկիչները պատանդ են վերցրել Radisson Blu հյուրանոցում: Ավելի վաղ հաղորդվում էր 18 կամ 27 զոհերի մասին. փոխանցում է lifenews-ը:

Նախագահը հաղորդել է երկու զինյալների մահվան մասին, որոնց հատուկ ծառայությունների աշխատակիցները չեզոքացրել են շենքի գրոհի ժամանակ:

Հիշեցնենք՝ նոյեմբերի 20-ին Մալիի մայրաքաղաք Բամակոյում գտնվող հայտնի Radisson Blu հյուրանոցում մի խումբ ահաբեկիչներ պատանդ են վերցրել 170 մարդու: Մի քանի ժամ անց պատանդների մեծ մասն ազատ է արձակվել շենքի գրոհի ընթացքում:

Մալիի նախագահն ահաբեկչությունից հետո արտակարգ դրության ռեժիմ է հայտարարել երկրում: