Թուրքիան խոցել է ինքնաթիռը՝ երկրի ինքնիշխանությունը պաշտպանելու համար. թուրքական իշխանությունների ներկայացուցիչ

Թուրքիան խոցել է ինքնաթիռը՝ երկրի ինքնիշխանությունը պաշտպանելու համար, հաղորդում է Reuters-ը: Այս մասին հայտարարել է թուրքական իշխանությունների պաշտոնական ներկայացուցիչը:

Ընդսմին, նա նշել է, որ այդ որոշումը չպետք է դիտարկվի որպես միջոց կոնկրետ երկրի դեմ:

Ավելի վաղ, թուրքական CNN-ի լրագրողը Twitter-ում հայտնել է Սիրիայում կործանված ռուսական Սու-24 ինքնաթիռի օդաչուներից մեկի մահվան մասին: 

Ընդ որում, պաշտպանության նախարարությունը հաստատել է ռուսական ինքնաթիռի կործանումը: Այն խոցվել է թուրք զինվորականների կողմից, որոնք մեղադրում են Ռուսաստանին իրենց օդային տարածքը խախտելու մեջ:

Ինքնաթիռն ընկել է Սիրիայի Լաթաքիա նահանգում: