Հունգարիայում 6 մարդ է ձերբակալվել՝ ահաբեկչություն նախապատրաստելու կասկածանքով

Հունգարիայի ոստիկանությունը ձերբակալել է վեց մարդու, ովքեր կասկածվում են ահաբեկչական հարձակումների նախապատրաստման մեջ, հայտնում է ren.tv-ն:

Բուդապեշտ տանող ճանապարհին իրավապահները ձերբակալել են չորս մարդու: Նրանց մեքենայում հայտնաբերվել է պայթուցիկ: Եվ երկու մարդ ձերբակալվել է այն բանից հետո, երբ նրանց մեքենայում հայտնաբերվել է զինամթերք:

Հունգարիայի ոստիկանությանը հաջողվել է նաև հայտնաբերել ռումբերի արտադրության ընդհատակյա լաբորատորիա: Լաբորատորիայում եղել են պայթուցիկ նյութեր և սարքեր, որոնք ընդունակ են սպանել մեծ թվով մարդկանց:

Ըստ տեղական ԶԼՄ-ների՝ երկու կասկածյալ կալանքի տակ է: