Սիրիայում թուրքական մարդասիրական ավտոշարասյուն է ռմբակոծվել

Թուրքիայի և Սիրիայի սահմանին մարդասիրական ավտոշարասյանը ավիահարված է հասցվել։ Այս մասին հայտնել է Թուրքական Humanitarian Relief Foundation իրավապաշտպան կազմակերպությունը:

Կազմակերպության տվյալներով՝ թուրքական ավտոշարասյունը ռմբակոծել են ռուսական ինքնաթիռները:

Նշվում է, որ ավտոշարասյունն ուղղվելիս է եղել Սիրիայի հյուսիսում գտնվող Աազազ քաղաք, որը գտնվում է սիրիացի ապստամբների հսկողության տակ։

Հաղորդվում է, որ հարձակման հետևանքով զոհվել է 7 մարդ, ևս 10-ը վիրավորվել: