Ռուսաստանի հետ Վրաստանի սահմանում ավտոմեքենաների կիլոմետրանոց խցանումներ են գոյացել

Ռուս-վրացական սահմանի՝ «Կազբեգի-Վերին Լարս» հսկիչ-անցակետի մոտ հարյուրավոր բեռնատար ավտոմեքենաներ են կուտակվել Թուրքիայից ներկրվող բեռների նկատմամբ Ռուսաստանի կողմից հսկողության ուժեղացման կապակցությամբ: Այդ մասին, ինչպես տեղեկացնում է «Արմենպրես»-ը, հայտնել են Վրաստանի ֆինանսների նախարարության եկամուտների ծառայությանն մամուլի կենտրոնում:

«Կազբեգի» մաքսային անցակետն աշխատում է առանց խափանումների: Ներկայումս Ռուսաստանի Դաշնության կողմից «Լարս» մաքսային անցակետում որոշակի խոչընդոտներ կան Թուրքիայից տարանցիկ բեռների համար»,- ասված է հաղորդագրության մեջ:

Բեռնատար մեքենաների մի մասը, որոնց ռուս մաքսավորները թույլ չեն տվել անցնել, վարորդների խնդրանքով ուղարկվել է Թուրքիայի և Ադրբեջանի ուղղությամբ, նշել են եկամուտների ծառայությունում, հաղորդել է Sputnik-ը: