Բաքվում իսլամիստների և ոստիկանության միջև բախումներում 4 մարդ զոհվել է
Աշխարհ
Բաքվի շիաներով բնակեցված Նարդարան ավանում ոստիկանությունը իսլամական ծայրահեղականների խմբի նկատմամբ հատուկ գործողություն է անցկացրել ավանի մզկիթներից մեկի մոտ, ինչի արդյունքում 4 մարդ զոհվել է, որոնցից երեքը ոստիկան:
Այս մասին, ինչպես հաղորդում է «Արմենպրես»-ը, հայտնում է virtualaz.org լրատվական կայքը' նշելով, որ ծայրահեղականները զինված դիմադրություն են ցուցաբերել իրավապահ ուժերին: Որոշ զինված իսլամիստներ կրակ են բացել իրավապահների վրա:
Նշվում է, որ ձերբակալվել է մի քանի մարդ, այդ թվում՝ Ադրբեջանի շիաների առաջնորդ Թալե Բաղըրզադեն:
Բաքվի թիվ 3 հիվանդանոց է տարվել երեք վիրավոր, որոնց մեջ է նաև Սաբունչիի շրջանի ոստիկանական վարչության քրեական հետախուզության բաժնի պետ Սադիգ Հասանովը: Հատուկ գործողության ժամանակ ոստիկանների վրա նռնակ է նետվել:
Ոստիկանության աշխատակիցները ձերբակալել են նաև իսլամիստների ևս մեկ առաջնորդի' Զուլֆուգար Միքայելզադեին: Նա ձերբակալվել է սեփական տանը և տարվել անհայտ ուղղությամբ:
Նշվում է, որ իսլամիստները ՆԳՆ աշխատակիցների վրա կրակել են ավտոմատներից, կիրառվել են նաև մարտական նռնակներ:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
