ՄԱԿ-ն աշխարհում ավելի քան 150 մլն աշխատող միգրանտ է հաշվել

Աշխարհում ավելի քան 150 մլն աշխատող միգրանտ կա, եւ աշխատանքային գործունեությանը նրանց մասնակցության մակարդակն ավելի բարձր է, քան նրանց ընդունող երկրների բնակիչներինը: Այդ մասին, ինչպես տեղեկացնում է «Արմենպրես»-ը, ասված է Աշխատանքի միջազգային կազմակերպության (ԱՄՏ)՝ դեկտեմբերի 17-ին Ժնեւում հրապարակված զեկույցում, կ ազմակերպություն, որը ՄԱԿ-ի մասնագիտացված հիմնարկներից մեկն է:

«Միգրանտների ընդհանուր թվում, որը հասնում է մոտավորապես 232 միլիոնի, աշխատող միգրանտները կազմում են 150,3 մլն մարդ»,-նշվում է հետազոտության մեջ: Նրանցից 83,7 միլիոնը տղամարդիկ են, իսկ 66,6 միլիոնը՝ կանայք:

Միգրանտների շրջանում աշխատողների բաժինը նկատելիորեն ավելի բարձր է, քան տեղի բնակչության շրջանում՝ 72,7 տոկոս 63,9 տոկոսի դիմաց:

ԱՄԿ-ի աշխատապայմանների եւ իրավահավասարության հարցերով զբաղվող դեպարտամենտի տնօրեն Մանուելա Թոմեին նշել է, որ զեկույցը կարող է «հիմք դառնալ արդյունավետ միգրացիոն քաղաքականություն վարելու համար»:

Հետազոտության համաձայն՝ աշխատող միգրանտների մեծամասնությունն զբաղված է ծառայությունների հատվածում (106,8 մլն): Դրան հաջորդում են արդյունաբերությունն ու շինարարությունը (26,7 մլն) եւ գյուղատնտեսությունը (16,7 մլն): Ընդսմին աշխատող միգրանտների գրեթե կեսը (48,5 տոկոսը) աշխատում է Հյուսիսային Ամերիկայում, Հյուսիսային, Հարավային եւ Արեւմտյան Եվրոպայում, հաղորդել է ՏԱՍՍ-ը: