Սաակաշվիլիի նշանակումն ուկրաինացի ժողովրդի ուղղությամբ թքել է նշանակում. Պուտին

Ռուսաստանի նախագահ Վլադիմիր Պուտինը բացասաբար է արձագանքել Միխեիլ Սաակաշվիլիի գործունեությանը, այդ թվում՝ Ուկրաինայում: Այս մասին նա հայտարարել է ամենամյա մամուլի ասուլիսի ժամանակ:

Ռուսաստանի նախագահը հատկապես քննադատել է ուկրաինական իշխանությունների կողմից Օդեսայի մարզի նահանգապետի պաշտոնում Սաակաշվիլիի նշանակումը:

«Իմ կարծիքով` դա պարզապես ուկրաինացի ժողովրդի ուղղությամբ թքել է նշանակում»,- նշել է ՌԴ նախագահը: