Նոր մանրամասներ՝ փարիզյան ահաբեկչություններից

Հայտնի է դարձել, թե ինչպես են փարիզյան ահաբեկիչները հարձակումներ իրականացրել: Ֆրանսիայի իշխանությունները պնդում են, որ զինյալներն օգտվել են սմարթֆոնների համար նախատեսված WhatsApp և Telegram հավելվածներից՝ կոդավորման հնարավորությամբ, գրում է Washington Post-ը:

Ավելի վաղ ԶԼՄ-ները հաղորդել են, որ տեղադրված ծրագրերը հայտնաբերվել են ահաբեկիչների սմարթֆոններում, սակայն ապացույցներ չեն եղել, որ դրանք օգտագործվել են հարձակումների նախապատրաստման ժամանակ:

Հիշեցնենք՝ ողբերգությունը տեղի է ունեցել լույս նոյեմբերի 14-ի գիշերը: Փարիզի մի քանի շրջաններում մի շարք հարձակումներ են տեղի ունեցել: Գրոհայինները կրակ են բացել խաղաղ քաղաքացիների վրա, իսկ մահապարտ ահաբեկիչները պայթեցրել են իրենց «Ստադ դե Ֆրանս» մարզադաշտի մոտ:

Բացի այդ, ահաբեկիչները պատանդ են վերցրել «Բատակլան» համերգասրահի հանդիսատեսին: Ահաբեկչությունների հետևանքով զոհվել է 132 մարդ: