Թուրքիայի հարավ-արևելքում 68 քուրդ գրոհային է ոչնչացվել

Թուրք ուժայինները Քրդական աշխատավորական կուսակցության 68 գրոհային են ոչնչացրել երկրի հարավ-արևելքում գտնվող Շրնաք նահանգում: Այս մասին հայտնում է Anadolu գործակալությունը՝ հղում անելով ռազմական աղբյուրին:

Նշվում է, որ չորս օր շարունակ հակաահաբեկչական գործողություն է իրականացվում Ջիզրե և Սիլոփի քաղաքներում: Աղբյուրի փոխանցմամբ՝ թուրք ուժայինների թվում կա մեկ զոհ և 22 վիրավոր:

Պարետային ժամն այդ քաղաքներում հայտարարվել է դեռևս երկուշաբթի օրը՝ դեկտեմբերի 14-ին: