Պեկինում եւ Չինաստանի այլ քաղաքներում ծխամշուշը «սպառնալի» մակարդակի է հասել

Պեկինում եւ Հյուսիսային Չինաստանի եւս ավելի քան երեսուն քաղաքներում ծխամշուշը հասել է այնպիսի մակարդակի, որը «լրջորեն սպառնում է մարդկանց առողջությանը», նախազգուշացնում են մասնագետները:

Արբանյակային դիտարկումների տվյալներով՝ ծխամշուշը 660 հազար քառակուսի կիլոմետր տարածք է պատել Պեկին-Տյանցզին-Հեբեյ տարածաշրջանում: Մի շարք վայրերում մեկ խորանարդ մետր օդում միկրոմասնիկների պարունակության մակարդակը գերազանցել է 500 եւ նույնիսկ 600 միավորը այն դեպքում, երբ Առողջապահության համաշխարհային կազմակերպության կողմից սահմանված անվտանգ նորման չի գերազանցում 25 միավորը:

Պեկինում շարունակում Է գործել Էկոլոգիական վտանգի՝ դեկտեմբերի 18-ին սահմանված ամենաբարձր՝ «կարմիր» մակարդակը: Այն կգործի մինչեւ դեկտեմբերի 22-ի կեսգիշեր: Իշխանությունները դիմել են բնակիչներին՝ հորդորելով «հոգ տանել իրենց առողջության մասին եւ ձեռնպահ մնալ ժամանակը փողոցում անցկացնելուց»: Քաղաքներում սահմանափակվել է ավտոտրանսպորտի երթեւեկությունը, ինչպես նաւե բազմաթիվ ձեռնարկությունների աշխատանքը: Տարրական եւ միջնակարգ դպրոցներին հանձնարարված Է դադարեցնել պարապմունքները, հաղորդել է ՏԱՍՍ-ը: