Մեդվեդեւը փաստաթուղթ է ստորագրել, որով պետապարատը 10 տոկոսով կրճատվելու է

ՌԴ վարչապետ Դմիտրի Մեդվեդեւը որոշում է ստորագրել 2016 թվականի հունվարի 1-ից պետապարատի աշխատակիցների թվաքանակը 10 տոկոսով կրճատելու մասին, տեղեկացնում է ՏԱՍՍ-ը:

«Ցանկանում եմ ասել, որ ստորագրել եմ որոշում, որը նախատեսում է պետական ու քաղաքացիական ծառայողների թվաքանակի 10 տոկոս կրճատում: Բնականաբար, դա չպետք է ազդի աշխատանքի որակի վրա, եւ այն ուժի մեջ է մտնում 2016 թվականի հունվարի 1-ից»,-հայտարարել է Ռուսաստանի կառավարության ղեկավարը փոխվարչապետների հետ կայացած խորհրդակցությունում: