Anonymous-ի հաքերները կիբերհարձակում են իրականացրել թուրքական կայքերի վրա

Anonymous միջազգային հաքերային խմբավորումը մի շարք հարձակումներ է իրականացրել թուրքական կայքերի վրա՝ մեղադրելով Անկարային ԻԼԻՊ-ի ահաբեկիչներին աջակցելու մեջ: Այս մասին հաղորդում է The Mirror-ը:

Պարբերականի տվյալներով՝ հաքերները հարձակման են ենթարկվել մինչև 40 հազար թուրքական կայք:

Anonymous-ը խոստացել է հարձակվել կենսական կարևոր նշանակություն ունեցող համակարգերի վրա, որոնք վերահսկում են թուրքական բանկերը, օդանավակայանները ու պետական կառույցները:

Հաքերները հայտարարություն են հրապարակել, որում բացատրել են իրենց գործողությունները: Նրանց խոսքով՝ նրանք հարձակվում են թուրքական կայքերի վրա, քանի որ Անկարան աջակցում է ահաբեկիչներին՝ նավթ գնելով նրանցից և բժշկական օգնություն ցուցաբերոլով գրոհայիններին:

«Մենք չենք հանդուրժի Էրդողանի պահվածքը, ով օգնում է ԻԼԻՊ-ին, մենք շարունակելու ենք հարձակվել ձեր կայքերի վրա»,- ասված է հաքերների ուղերձում: