Իրաքի բանակը ԴԱԻՇ-ի գրոհայիններից ազատագրել է Էր-Ռամադի քաղաքը. ԶԼՄ-ներ

Իրաքյան բանակն այսօր հայտարարել է ԴԱԻՇ-ի գրոհայիններից Էր-Ռամադի քաղաքի ամբողջական ազատագրման մասին: Կառավարական զորքերը հարձակման են անցել ռազմաօդային ուժերի, ժողովրդական աշխարհազորի մարտիկների և միջազգային կոալիցիայի ավիացիայի հետ համատեղ: Այժմ զինվորականները մտադիր են հարձակվել Նայնավա նահանգում գտնվող ահաբեկչական խմբավորման դիրքերին:

«Էր-Ռամադի քաղաքն ազատագրվել է, Իրաքի օդուժը բարձրացրել է Իրաքի դրոշն Անբարում գտնվող կառավարության նստավայրում: Ալլահի օգնությամբ մենք կազատագրենք մյուս գրավված քաղաքները», - ասված է բանակի հայտարարության մեջ: