Air Canada չվերթի 20 ուղևոր վիրավորվել է տուրբուլենտության հետևանքով

Շանհայից Տորոնտո թռչող Air Canada ավիաընկերության ինքնաթիռի երկու տասնյակ ուղևոր վիրավորվել է այն բանից հետո, երբ ինքնաթիռը հայտնվել է տուրբուլենտության գոտում:

Օդանավի անձնակազմը խնդրել է վայրէջք կատարել Կանադայի Կալգարի քաղաքում, և որոշ ժամանակ անց ինքնաթիռը բարեհաջող վայրէջք է կատարել:

Օդանավակայանում նրան դիմավորել են երեք հրշեջ և առնվազն վեց շտապօգնության մեքենա: CTV News Calgary-ի տվյալներով՝ չորս մարդ լուրջ վնասվածքներ են ստացել: