Աֆղանստանի զինվորականները թալիբների գերությունից ազատ են արձակել 59 պատանդի

Աֆղանստանի հատուկ գործողությունների ուժերն ազատ են արձակել 59 պատանդի, որոնք հարավային Հիլմենդ նահանգում եղել են թալիբների գերության մեջ, հայտնում է Khaama Press-ը:

Աֆղանստանի պաշտպանության նախարարության հայտարարության տեղեկություններով՝ «Թալիբան» շարժման գրոհայինները պատանդներին պահում էին Նահր-ի-Սարաժ թաղամասում գտնվող բանտում: Այժմ ազատ արձակված մարդիկ գտնվում են երկու ռազմակայաններում:

Պատանդների ազատ արձակման վերաբերյալ տեղեկատվությունը հաստատել է երկրի ներքին գործերի նախարարի տեղակալը: