Starbucks-ը ժամանակավորապես փակում է Ջակարտայում գտնվող բոլոր սրճարանները

Starbucks սրճարանների ցանցը ժամանակավորապես փակում է Ջակարտայում գտնվող իր բոլոր հաստատություններն այն բանից հետո, երբ նրանցից մեկի մոտ պայթյուն է տեղի ունեցել, հաղորդում է Reuters-ը:

Ինչպես հյատնել են ընկերությունից, սրճարանները փակ կլինեն այնքան ժամանակ, մինչև քաղաքում անվտանգություն ապահովվի:

Ավելի վաղ հաղորդվել էր, որ Ինդոնեզիայի մայրաքաղաքում մի շարք պայթյուններից մեկը տեղի է ունեցել Starbucks-ի մոտակայքում:

Վերջին տվյալներով՝ ահաբեկչական հարձակումներից զոհվել է յոթ մարդ, այդ թվում՝ չորս հարձակվող: