Ֆրանսիայի օդուժը ԻՊ-ի դիրքերին նոր հարվածներ է հասցրել Մոսուլի շրջանում
Աշխարհ
Ֆրանսիայի ռազմաօդային ուժերը շարունակում են Իրաքում եւ Սիրիայում հարվածներ է հասցրել «Իսլամական պետություն» ահաբեկչական խմբավորման զինյալների դիրքերին, իսկ հունվարի 14-ին ռմբակոծման է ենթարկվել Իրաքի Մոսուլ քաղաքի մերձակա շրջաններից մեկը: Այդ մասին, ինչպես տեղեկացնում է «Արմենպրես»-ը, հայտնել է Ֆրանսիայի պաշտպանության նախարար Ժան Իվ լե Դրիանը:
«Այսօր գիշերը մենք հարված հասցրեցինք Մոսուլի շրջանին: Թիրախ դարձավ հաղորդակցական հանգույցը՝ քարոզչության կենտրոնը: Ընդամենը հունվարի 11-ից մենք արդեն յոթ հարված ենք հասցրել»,- հայտնել է նա BFM-TV հեռուստաալիքի եթերում:
Ինչպես ընդգծել է պաշտպանական գերատեսչության ղեկավարը, սկսված 2016 թվականին Ֆրանսիան մտադիր է շարունակել ԻՊ-ի զինյալների դիրքերի ռմբակոծումը «ինչպես Իրաքում, այնպես էլ Սիրիայում»: «Այսօր արդեն կարելի է ասել, որ «Իսլամական պետությունը» նահանջում է: Այն նահանջում է Իրաքում… Եվ ֆրանսիական օդուժը դրանում մեծ ավանդ ունի»,- ասել է նախարարը:
Դրա հետ մեկտեղ լե Դրիանն ընդգծել է, որ ԻՊ-ի զինյալների դեմ ընդհանուր պայքարի հաջողությունները տեղում ապահովում են իրաքյան ու քրդական զինված կազմավորումները: «Մենք նրանց պատրաստում ենք, աջակցում ավիահարվածների միջոցով, բայց ցամաքում հենց նրանք են աշխատում»,- հավելել է նա, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
