Ալիևը ցավակցել է Էրդողանին

Ադրբեջանի նախագահ Իլհամ Ալիևը Ստամբուլի օդանավակայանի ահաբեկչության կապակցությամբ ցավակցել է Թուրքիայի նախագահ Ռեջեփ Էրդողանին, հայտնում է ադրբեջանական APA լրատվական գործակալությունը:

Ալիևը նամակում նշել է, որ Աթաթուրքի անվան օդանավակայանում մեծ թվով մարդկանց զոհվելու ու վիրավորվելու լուրը մեծապես վշտացրել է իրենց, և որ իրենք վճռականորեն դատապարտում են այդ արյունալի ահաբեկչական ակտը:

Ադրբեջանի ԱԳՆ-ն նույնպես դատապարտել է Ստամբուլի ահաբեկչությունը:

Ստամբուլի օդանավակայանում իրենց պայթեցրել են երեք մահապարտ ահաբեկիչներ, ինչի հետևանքով զոհվել է 36 և վիրավորվել 147 մարդ: