ԱՄՆ-ին առաջարկել են խոցել ռուսական ինքնաթիռները. RFL
Աշխարհ
Լեհաստանի նախկին նախագահ Լեխ Վալենսան հայտարարել է, որ եթե նա լիներ ամերիկացի նավաստիների փոխարեն, ապա կխոցեր ռուսական ինքնաթիռները, որոնք ապրիլին Բալթիկ ծովում թռչել են ամերիկյան «Դոնալդ Կուկ» ականակրի կողքով: Այս մասին նա հուլիսի 2-ին հայտարարել է RFL ռադիոկայանին տված հարցազրույցում:
«Այդ նավի հրամանատարի փոխարեն՝ ես կխոցեի այդ ինքնաթիռները, եթե դրանք թռչեին: Սակայն ոչ այնպես, որ զոհվեին օդաչուները: Ես կկրակեի դրանց թևին»,- հայտնել է Վալենսան:
Ընդ որում, Լեհաստանի նախկին առաջնորդը վստահություն է հայտնել, որ նման միջադեպը չէր հանգեցնի պատերազմի, քանի որ Ռուսաստանը, նրա կարծիքով, նույնպես շահագրգռված չէ դրանով:
«Նրանք ցանկանում են հաղթել՝ վախեցնելու և շանտաժի ճանապարհով: Ռուսաստանը չի կարող իրեն թույլ տալ հակամարտություն, դա չափազանց թանկ է»,- ավելացրել է Վալենսան:
Լեխ Վալենսան Լեհաստանի նախագահն է եղել 1990-1995 թվականներին:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
