Քուրդ զինյալները թուրքական Մարդինում հարձակվել են ժանդարմերիայի վրա

Թուրքիայի Մարդին նահանգի Ջևիզլի գյուղում Քրդական բանվորական կուսակցության (PKK) զինյալները պայթուցիկով բեռնավորված մեքենայով հարձակում են իրականացրել ժանդարմերիայի բաժանմունքի վրա: Այս մասին տեղեկացնում է թուրքական «Հուրիեթ» պարբերականը:

Մեքենայի պայթյունի, ինչպես նաև դրան հաջորդած փոխհրաձգության հետևանքով 6 զինվոր վիրավորվել և տեղափոխվել են հիվանդանոց: Իսկ բրիտանական Reuters գործակալության տվյալներով' վիրավորվել են 11 զինվոր:

Տարածաշրջանում լայնածավալ գործողություններ են սկսվել քուրդ զինյալներին հայտնաբերելու նպատակով: