Արմեն Մարտիրոսյանին սպառնում է 4-10 տարի ազատազրկում. պաշտպան

«Ժառանգություն» կուսակցության փոխնախագահ Արմեն Մարտիրոսյանին արհեստական մեղադրանանքներ է առաջադրվել, որպեսզի առանձնացնեն հանրությունից և սահմանափակեն նրա իրավունքները: ԼՈւՐԵՐ.com-ի տեղեկացմամբ՝ այսօր լրագրողների հետ զրույցում նման կարծիք հայտնեց Մարտիրոսյանի պաշտպան Գիվի Հովհաննիսյանը:

Պաշտպանի խոսքով՝ իրավաբանությունից վաղուց դուրս են եկել մեղադրանքները:

Արմեն Մարտիրոսյանը ձերբակալվել, մեղադրանք է առաջադրվել, այնուհետև կալանավորվել է զանգվածային անկարգություններ հրահրելու համար:

«Տեսանյութերում երևում է, որ Մարտիրոսյանը ոչ թե հրահրում է, այլ հանդարտեցնում ժողովրդին: Իրականում անկարգություններ չի էլ եղել և ընդամենը ոստիկանությունն է գրոհել, դեռ պետք է ապացուցել, որ տեղի ունեցածը անկարգություններ են»,- ասաց պաշտպանը:

Գիվի Հովհաննիսյանի խոսքով՝ հայաստանյան դատական ատյանները իրենք ձևական են անցնում, որպեսզի դիմեն եվրոպական դատարաններ:

Այս մեղադրանքով Արմեն Մարտիրոսյանին սպառնում է  4-10 տարի ազատակազրկկում:

Պաշտպանյալը նշեց նաև, որ իր պաշտպանյալի հետ տեսակցություններ թույլ տրված չեն և ընդգծված կերպով նրան առանձնացնում են հանրության հետ շփումներից: