Փոքրիկ տնակ-գրադարաններ կարելի է տեսնել նաև Տավուշի մարզում
Գիտություն և Մշակույթ
Երևանի փողոցներում տեղադրված փոքրիկ գրադարանները, որոնք մեծ հետաքրքրություն էին առաջացրել հանրության շրջանում, կարելի է տեսնել նաև Տավուշի մարզում: Մասնավորապես այդպիսի գրադարաններ կան Իջևան քաղաքում և Լուսաձոր գյուղում: Ինչպես «Արմենպրես»-ի հետ զրույցում նշեց «Փոքրիկ ազատ գրադարան» նախաձեռնության ղեկավար-կազմակերպիչ Նաիրա Գուլակյանը՝ գրադարանները տեղադրվում են հիմնականում փոքր համայնքներում:
«Գրադարանից կարող են օգտվել բոլոր ցանկացողները: Ընթերցողները գիրքը կարդալուց հետո այն վերադարձնում են: Մեր նպատակն է մարդկանց մեջ սեր արթնացնել գրքի հանդեպ: Մենք արդեն տեղադրել ենք մի քանի այսպիսի գրադարաններ Իջևանում, Լուսաձորում: Ամիսը մեկ անգամ գրադարանի գրքերը թարմացվում են: Նախաձեռնությունը իրականացվել է կանադահայ բարերար Վահրամ Վահրամյանի աջակցությամբ»,- նշեց Գուլակյանը:
«Փոքրիկ ազատ գրադարան» նախագծի հեղինակներն են ամերիկացիներ Թոդ Բոլը և Ռիկ Բրուքսը: Ավելի քան 20 երկրներում տեղադրված են 25 հազարից ավելի փոքրիկ տնակներ հիշեցնող գրադարաններ: Նրանց գաղափարը յուրաքանչյուր երկրում կյանքի են կոչվում տեղի նախաձեռնող անձանց կողմից:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
