3 օր առաջ կորած քաղաքացուն հայտնաբերել են մահացած

ՀՀ ԱԻՆ-ը տեղեկացնում է՝ օգոստոսի 9-ին, ժամը 07.45-ին որոնողական աշխատանքները վերսկսվել են:

Ժամը 08.45-ին հայտնաբերվել է քաղաքացու դին (1948 թ. ծնված Մ.Գ.):

Հիշեցնենք, որ օգոստոսի 8-ին, ժամը 17.36-ին տեղեկատվություն էր ստացվել, որ Կոտայքի մարզի Բյուրեղավան քաղաքի թիվ 41 շենքի բնակարաններից մեկի բնակիչ՝ 1948 թ. ծնված Գ. Մ.-ը ս.թ. օգոստոսի 6-ին տանից դուրս է եկել՝ ասելով, որ գնում է կյանքին վերջ տալու. քաղաքացու բջջայինը գտնվել է Ներքին Պտղնի գյուղի ջրանցքի մոտակայքում. որոնողական աշխատանքներ իրականացնելու համար անհրաժեշտ է փրկարարների օգնությունը:

Դեպքի վայր էր մեկնել մարզային փրկարարական վարչության օպերատիվ խումբը:

Ժամը 17.52-ից մինչև ժամը 19.26-ը փրկարարներն իրականացրել էին որոնողական աշխատանքներ, որոնք ավարտվել էին անարդյունք: