ՀՔԾ-ն նոր մանրամասներ է հրապարակել

Վեց քրեական գործ է քննվում Հատուկ քննչական կոմիտեում։ 2016թ. հուլիսի 17-ից 31-ն ընկած ժամանակահատվածում Մ. Խորենացի փողոցում, Ազատության հրապարակում և հարակից տարածքներում, Սարի թաղում, Գյումրի քաղաքի Թատերական հրապարակում, ինչպես նաև ոստիկանության Աշտարակի բաժնում ոստիկանության ծառայողների կողմից առերևույթ բռնության գործադրմամբ զուգորդված պաշտոնեական լիազորություններն անցնելու, պաշտոնեական դիրքն օգտագործելով՝ լրագրողների մասնագիտական օրինական գործունեությանը և փաստաբանների լիազորությունների իրականացմանը խոչընդոտելու դեպքերով:

Հատուկ քննչական ծառայության մամլո ծառայությունից հայտնեցին, որ ըստ հաղորդումների, ոստիկանության ծառայողները հիշյալ օրերին հատուկ միջոցների գործադրման հետևանքով մարմնական վնասվածքներ են պատճառել տարբեր անձանց, ՀՀ ոստիկանության ստորաբաժանումներ անձանց բերման ենթարկելիս և դրանից հետո նրանց նկատմամբ բռնություն են գործադրել, պատճառել մարմնական վնասվածքներ, ինչպես նաև օրենքով նախատեսվածից ավելի ժամանակով ապօրինի պահել են այնտեղ՝ անձանց իրավունքներին և օրինական շահերին, հասարակության և պետության օրինական շահերին պատճառելով էական վնաս, որը զուգորդվել է լրագրողական գործունեության սահմանաձակմամբ և նշյալ օրերին իրենց պաշտպանյալներին իրավական օգնություն ցույց տալու նպատակով ոստիակություն ժամանած փաստաբանների լիազորությունների ոտնահարմամբ։

Քննչական կոմիտեի մամլո ծառայությունը ավելացրեց, որ նշյալ գործերի բարդությունը հաշվի առնելով՝ կազմվել են քննչական խմբեր։ Ուսումնասիրվում են նաև զանգվածային լրատվության միջոցներով տարածված՝ հիշյալ դեպքերին առնչվող բոլոր տեսաձայնագրությունները։

Հիշեցնենք, որ հուլիսի 17-ի առավոտվանից Երևանում և ՀՀ մարզերում՝ տարբեր պատճառաբանություններով շարունակական կերպով իրականացվել են բազում քաղ. ակտիվիստների ձերբակալություններ, ինչը զուգորդվել է լրագրողների և փաստաբանների պաշտոնական լիազորությունների ոտնահարմամբ։