Երկարաժամկետ հանդիպումների ժամանակ կթույլատրվի դատապարտյալներին տանել հում մթերքներ
Իրավունք
Գործադիրի նիստում այսօր ընդունվեց նոր որոշում, որով այսուհետ կթույլատրվի երկարաժամկետ հանդիպումների ժամանակ դատապարտյալներին տանել ջերմային մշակում չանցած՝ հում մթերքներ:
ՀՀ արդարադատության նախարար Արփինե Հովհաննիսյանը նիստում ասաց, որ մեր երկրում դատապարտյալները ջերմային մշակում պահանջող մթերքներ ստանալու իրավունք չունեն:
Նախագծի ընդունման անհրաժեշտությունը պայմանավորված է դատապարտյալների հետ երկարատև տեսակցության եկած անձանց կողմից բերված ջերմային մշակում պահանջող սննդամթերքի սահմանափակման արգելքի վերացմամբ:
Միաժամանակ, ՀՀ քրեակատարողական օրենսգրքի 92-րդ հոդվածի 2-րդ մասով սահմանված է, որ երկարատև տեսակցությունը տրամադրվում է մինչև 3 օր տևողությամբ:
Հետևաբար, գործող կարգի սույն դրույթը, որն արգելում է դատապարտյալին իր մոտ ունենալ ջերմային մշակում պահանջող սննդամթերք, սահմանափակում է նաև վերջինիս մոտ երկարատև տեսակցության ժամանակ նման սննդամթերք բերելու և այն օգտագործելու հնարավորությունը, մինչդեռ հարկ է նշել, որ երկարատև տեսակցության ժամանակ առկա են բոլոր անհրաժեշտ պայմանները ջերմային մշակում պահանջող սննդամթերքի պատրաստման և օգտագործման համար:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
