Բալասանյանը կառավարում է քաղաքը՝ անարդյունավետ և ոչ բավարար. Տիգրան Ուրիխանյան

Հոկտեմբերի 2-ին քաղաքապետի ընտրություններ են նշնակված Գյումրի քաղաքում, որտեղ թեկնածուներ են առաջադրել գրեթե բոլոր քաղաքական ուժերը:

ԼՈւՐԵՐ.com-ի թղթակցի հետ զրույցում «Ալյանս» կուսակցության նախագահ, պատգամավոր Տիգրան Ուրիխանյանը խոսելով նախընտարական քարոզարշավի մասին ասաց, որ իրենք երբեմն հանդիպում են արհեստական խոչընդոտների.

«Արհեստական խոչընդոտներ կան, դրանք բազմաթիվ և բազմապիսի են, օրինակ, սարսափելի մեծ դժվարությամբ կարողացանք վճարովի հիմունքներով երկու գովազդային տարածք վերցնել՝ բիլ բորդեր, հասկանալի տրամաբանությամբ ինչ որ մեկին դա ձեռնտու չէր»,- ասաց Ուրիխանյանը:

Պատգամավորի խոսքով՝ արհեստական խոչընդոտները հաղթահարելի են և ըստ նրա՝ ծեծված խոսքերը, խոստումները, որոնցից մեծ մասը սուտ է լինում, այլևս ոչ ընտրողին, ոչ իրենց չի հետաքրքրում:

«Եթե ոմանք մտածում են, որ կկարողանան ստեղծել այնպիսի պայմաններ, որոնք մեզ համար կդառնան դժվարություն, ապա տեղեկացնեմ նրանց, որ հազարավոր մարդիկ դուրս են գալու փողոց, հասցեավորելու են կոնկրետ խնդիր առաջացնողներին և շատ ուղղակի կենդանի պիկետներով ու հանրահավաքներով արձագանքելու են: Խոսքերի տիրույթում չենք թողնելու:

Տիգրան Ուրիխանյանի խոսքով՝ Բալասանյանը տարիներ շարունակ կառավարում է քաղաքը՝ անարդյունավետ և ոչ բավարար, և համեմատությունները չեն, որ քաղաքական ընտրություններ կատարելիս քաղաքացիներին կողմնորոշեն, այլ բացարձակ վստահությունը: