Լոռանժ սրճարանի մոտ տեղի ունեցած վիճաբանության գործով ՊԵԿ մաքսային տեսուչ է ձերբակալվել
Իրավունք
Հունվարի 14-ին' ժամը 00.05-ին, ոստիկանություն ահազանգ է ստացվել, որ մարմնական վնասվածքներով հիվանդանոց է տեղափոխվել քաղաքացի Հ.Մ-ն, որը հայտնել է, որ ծեծի է ենթարկվել:
Դեպքի առթիվ Կենտրոն և Նորք-Մարաշ վարչական շրջանի դատախազությունում հարուցվել է քրեական գործ` ՀՀ քրեական օրենսգրքի 113-րդ հոդվածի 2-րդ մասի 3-րդ և 6-րդ կետերով: Քրեական գործի նախաքննությունը հանձնարարվել է ՀՀ ՔԿ-ին:
Քննությամբ պարզվել է, որ 13.01.2017-ին' ժամը 23-ի սահմաններում, Մոսկովյան փողոցի մոտ գտնվող Լոռանժ սրճարանի մոտ տեղի ունեցած վիճաբանության ընթացքում մի խումբ անձինք խուլիգանական դրդումներով Հ.Մ-ի առողջությանը պատճառել են մարմնական վնասվածքներ: Պարզվել է նաև մարմնական վնասվածք պատճառած անձանցից մեկի ինքնությունը` Է.Խ-ն, որը ՀՀ ԿԱ ՊԵԿ անվտանգության վարչության ավագ մաքսային տեսուչ է: Վերոնշյալ արարքը կատարելու կասկածանքով Է.Խ-ն ձերբակալվել է:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով' դատարանի' օրինական ուժի մեջ մտած դատավճռով:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
