Tonino Lamborghini-ն թողարկել է Alpha-One ֆիրմային սմարթֆոնը

Tonino Lamborghini մակնիշը թողարկել է Alpha-One ֆիրմային սմարթֆոնը: Ինչպես հայտնել է Gizmodo-ն, գաջեթի կորպուսը պատրաստված է հատուկ համաձուլվածքից, որը անվանում են «հեղուկ մետաղ»: Հեռախոսը պատրաստելիս օգտագործվել է ձեռքով մշակված իտալական կաշի, որի վրա կա դարձակար, ինչպես որ ավտոմեքենաների նստոցների վրա: 

Ինչ վերաբերում է տեխնիկական բնութագրերին, ապա սմարթֆոնը հանդերձված է 20-մեգապիկսելանոց խցիկով՝ պատկերի օպտիկական կայունացմամբ: Նաեւ հեռախոսն ունի մատնահետքերի սքաներ եւ սլոտ՝ microSD քարտերի համար: Հեռախոսի քաշը գրեթե 200 գրամ է: Սմարթֆոնի լրակազմի մեջ մտնում է նաեւ ֆիրմային պատյանը:
Հեռախոսը պատրաստված է միայն սեւ գույնի, այն վաճառվելու է ընտրյալ բուտիկներում, օրինակ՝ Դուբայի Levant-ում: Սարքի գինը կազմում է 2,5 հազար դոլար:

Tonino Lamborghini բրենդը գրանցվել է 1981 թվականին: Այս մակնիշի ներքո թողարկվում են ժամացույցներ, շարժական հեռախոսներ, ակնոցներ, պարֆյումերիա: