Առաջին անգամ Հայաստանը գերմանական կատալոգում ներկայացվել է որպես տուրիստական ուղղություն

 BPA ընկերության նախագահ և «Ինվեստ Արմենիա» ծրագրի համակարգող Վրույր Փենեսյան-ն իր ֆեյսբուքյան էջում գրել է. «Ուրախալի է այն փաստը, որ 82 միլիոնանոց Գերմանիայում գործող Lidl ամենախոշոր սուպերմարկետների ցանցում (այն ունի 4500-ից ավել սուպերմարկետ), որն ունի իր տուրիստական կատալոգը, առաջին անգամ Հայաստանը ներկայացվեց որպես տուրիստական ուղղություն:

Ի դեպ, այն ցանցի բոլոր սուպերմարկետներում բաժանվում է անվճար, և նրանում զետեղված են աշխարհի լավագույն հանգստավայրերը:

Սա, թերևս, գերմանական շուկայում Հայաստանը որպես տուրիստական ուղղություն ներկայացնելու ամենամասշտաբային նախագիծն է, որից կարելի է եզրակացնել, որ մենք շուտով կունենանք զբոսաշրջիկների նոր հոսք Գերմանիայից»:

Հիշեցնենք, որ Վրույր Փանոսյանը «ԲԻ ՓԻ ԷՅ» ընկերությունը  նախաձեռնելու է «Ինվեստ Արմենիա» ծրագիրը, որն ամենամյա բնույթ է կրելու

«Ծրագիրը բաղկացած է լինելու երկու մասից, կազմակերպվելու է բիզնես ֆորում և բիզնես էքսպո: Հենց բիզնես ֆորումի շրջանակներում մենք ներկայացնելու ենք ԵՏՄ մուտք գործելով հայաստանի առջև բացվող հնարավորությունների և արտոնությունների մասին»,-նշեց Վ. Փենեսյանը:

Հիշեցնենք, որ BPA ընկերությունը, որն արդեն երկու տարի է, ինչ կազմակերպում է «Ինվեստ Արմենիա» համաժողովները, նախաձեռնել էր նաև «Welcome to Armenia» զբոսաշրջային համաժողովը: Նպատակը BPA ընկերության կողմից իրականացվող նախագծերի ներկայացումն էր, որոնցից առաջնայինն այն էր, որ ընկերությունը 2017 թվականին հայկական կոնյակի առաջին ազգային փառատոնն է կազմակերպելու: