Փհենչհան-2018․ Հայ լեռնադահուկորդը վերջից 2-րդն է

Այսօր Փհենչհանում շարունակվող ձմեռային Օլիմպիական խաղերում պայքարի դուրս եկավ Հայաստանի վերջին ներկայացուցիչը՝ լեռնադահուկորդ Աշոտ Կարապետյանը:

Մեր մարզիկը սլալոմ մրցաձևում գրանցած 2 րոպե 08.08 վայրկյան արդյունքով զբաղեցրեց 42-րդ տեղը:

Եզրագիծը հատած լեռնադահուկորդների շարքում սա վերջից 2-րդ արդյունքն է: Կարապետյանը երկրորդ փորձից հետո 2:08.08 արդյունքով զբաղեցրել է 42-րդ հորիզոնականը:

Ավելի վաղ՝ Միքայել Միքայելյանը, սպրինտի որակավորման փուլում զբաղեցրելով 72-րդ տեղը,  չէր հաղթահարել որակավորման փուլը, իսկ  15 կմ դասական ոճում 84-րդն էր:

Կատյա Գալստյանը կանանց 10 կմ ազատ ոճի դահուկավազքում զբաղեցրել է 72-րդ հորիզոնականը, իսկ սպրինտում չէր հայտավորվել: