Լավ լուր՝ գյուղացիների համար (տեսանյութ)

Կառավարության փետրվարի 22-ի նիստի ընթացքում ՀՀ գյուղատնտեսության նախարարի տեղական Ռոբերտ Մակարյանը գործադիրի համաձայնությանը ներկայացրեց նախագիծ, որով առաջարկվում է գյուղացիական տնտեսությունների եկամտաբերությանը զարկ տալու նպատակով՝ զարկ տալ սուբսիդավորման գործընթացին:

Մասնավորապես, առաջարկվող նախագծի նպատակն է ապահովել պետական աջակցություն գյուղատնտեսական հողօգտագործողների համար՝ նրանց տալով մատչելի գնե­րով դիզելային վառելիք ձեռք բերելու հնարավորություն, որը կհանգեցնի հողերի արդյունավետ օգտագործման, գյուղատնտեսական մթերքների արտադրության ծավալ­նե­րի ավելացման միջոցով գյուղացիական տնտեսությունների եկամուտների բարձրաց­ման­ը:

Ըստ Մակարյանի՝ ծրագրի ավարտման ժամկետն առաջարկվում է սահմանել 2018 թվականի հուլիսի 1-ը, իսկ  պայմանագրային հիմունքներով, որպես սուբսիդիա, մատակարարին տրամադրվելու է մինչև 360,000,000 դրամի (1 լիտրի սուբսիդիան` մինչև 60 դրամ) դիզվառելիք: Որպես գործընթացի կազմակերպման եղանակ՝ գյուղնախարարությունն առաջարկում է մարզպետարանների հետ էլեկտրոնային շփման տարբերակը:

էլեկտրոնային փոստով մարզպետարաններից  նախարարությունը ստանում է տեղեկատվություն՝ մարզերում հողօգտագործողների իրացրած դիզելային վառելիքի քանակության մասին, որից հետո կկատարվի դիզվառելիքի բաշխումը: 

Նախագիծն ընդունվեց և վարչապետը սուբսիդավորման համակարգի կիրառման համար գյուղնախարարությունից պարզապես պահանջեց «ձեռքը պուլսի վրա պահել»: