Դատարանները դատախազության հսկողության տակ են. Լուսինե Սահակյան
Իրավունք
«Դատարանները դատախազության հսկողության տակ են»,– լրագրողների հետ հանդիպմանը ասեց փաստաբան Լուսինե Սահակյանը։
«Դատարանները ենթարկվում են դատախազությունը բոլոր այն գործերով, որով մեղադրական եզրակացություն է ուղարկվում կամ միջնորդությամբ համապատասխան նախաքննություն իրականացնող մարմինը դատարանում հանդես է գալիս անձին կալանավորելու հայցով։ Այս դեպքում հասկանալի է, որ արդյունքում մեղադրական ակտերը պետք է շատ լինեին ու շատ լինեին նաև անձանց կալանավորման քանակը»։
Լուսինե Սահակյանը ավելացնում է, որ դատախազությունն իր ֆունկցիան լավ չի ըմբռնում և ունի հստակ մեղադրական ուղղվածություն.
«Դատախազությունը մեղադրողի ֆունկցիա պետք է կատարի միայն այն պարագայում, երբ իրականում առկա է հանցագործություն։ Ինքը պետք է մեղադրանքը պաշտպանի միայն այն հոդվածներով, որում անձը իրականում մեղադրվում է, ոչ թե ինչքան շատ մեղադրանք լինի, այդքան իր աշխատանքը ավելի լավը կլինի»։ Բանախոսի կարծիքով, դատված անձանց և մեղադրական դատավճիռների այսքան մեծ քանակը պայմանավորված է նաև նրանով, որպեսզի մենք ցույց տանք միջազգային ատյաններին, թե պայքարում ենք կոռուպցիայի կամ տրաֆիկինգի դեմ։
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
