«Փյունիկ»-ն ուժեղ էր «Ալաշկերտ»-ից (տեսանյութ)

Հայաստանի Բարձրագույն խմբի առաջնության երկրորդ տուրի  հետաձգված խաղի շրջանակներում «Փյունիկ»-ը ուժերը չափեց «Ալաշկերտ»-ի հետ:

Հանդիպումն ավարտվեց «Փյունիկ»-ի հաղթանակով 2:1 հաշվով: Թիմի կազմում 16-րդ րոպեին աչքի ընկավ Պետրոս Ավետիսյանը, իսկ 74-րդ րոպեին` Մաքսիմ Ժեստոկովը:

 «Ալաշկերտ»-ի կազմում էլ Ղուկաս Պողոսյանը 11 մետրանոցը դիպուկ իրացրեց:

 Նշենք, որ թիմերը հանդիպումն ավարտեցին 10-ական հոգով. 44-րդ րոպեին երկրորդ դեղին քարտը ստացավ և հեռացվեց «Փյունիկ»-ի ֆուտբոլիստ Վիտալի Ստեժկոն: 72-րդ րոպեից «Ալաշկերտ»-ը նույնպես խաղը շարունակեց 10 հոգով:

Լուսանկարը` «Ալաշկերտ»-ի մամուլի ծառայության:

Տեսանյութերը` «Ալաշկերտ»-ի ու «Փյունիկ»-ի մամուլի ծառայության: