ԱՄՆ-ում դպրոցի տարածքում 145 շիրիմ են գտել (տեսանյութ)
ՏեսանյութերԱՄՆ Ֆլորիդա նահանգի Տամպա քաղաքում տեղական King High School դպրոցի շենքի տակ զանգվածային թաղման վայր է հայտնաբերվել, հայտնում է Tampa Bay Times-ը:
Երկրատեղորոշիչի միջոցով մեկից մինչեւ մեկուկես մետր խորությամբ հայտնաբերել են 145 գերեզման: Նախնական տեղեկություններով՝ սա Ռիջվուդի գերեզմանոցի մի մասն է,- XX դարակեսի թաղումներ են,- որտեղ հուղարկավորել են գերազանցապես աֆրոամերիկացիներին եւ չքավորներին:
1942 թվականին բացված Ռիջվուդ գերեզմանատեղիում ընդհանուր առմամբ հուղարկավորվել է մոտ 250 մարդ: 1957 թվականին քաղաքը գերեզմանոցով հողամասը վաճառել է մասնավոր ընկերության, իսկ 1960 թվականին այդ վայրում դպրոց է կառուցվել:
Հողամասը, որտեղ հայտնաբերվել են շիրիմները, բաց տարածք է՝ մեկ ոչ մեծ շենքով, որն օգտագործվում է դպրոցի գյուղատնտեսական ծրագրերի համար:
CNN-ն հայտնում է, որ գերեզմանոցի որոնումները սկսվել են մոտ մեկ ամիս առաջ, երբ դպրոցական խորհուրդը տեղեկություն էր ստացել իր տարածքում հնարավոր հին գերեզմանատեղիի մասին:
Ենթադրյալ գերեզմանատեղին ցանկապատել են, հաջորդ ամսվա ընթացքում Հիլսբորո շրջանի դատաբժշկական փորձագետը եւ նահանգի հնագետները ուսումնասիրելու են շիրիմները: Այնուհետեւ իշխանությունները որոշում կընդունեն հողամասի հետագա ճակատագրի մասին:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
