Երեւանում փորձել են սպանել քրեական հեղինակություն «Պոտյոյին» (տեսանյութ)

SHAMSHYAN.com-ի տեղեկություններով, Հայաստանի քննչական կոմիտեի Երեւան քաղաքի քննչական վարչությունում հարուցվել է քրեական գործ եւ ստեղծվել է քննչական խումբ:

Նշված քննչական խումբը նախաքննություն է կատարելու նոյեմբերի 21-ին Երեւանում հնչած կրակոցների փաստով, երբ անհայտ անձը անհայտ զենքով կրակոցներ էր արձակել Տիգրան Մեծի 74 հասցեի ուղղությամբ եւ վնասել տան ապակին, իսկ դեպքի վայրում ոստիկաններն ու քննիչները հայտնաբերել էին 24 հատ կրակված պարկուճ:

Ըստ տեղեկությունների, նշված տունը պատկանում է քրեական հեղինակություն Պետրոս Հարությունյանին, ով քրեական աշխարհում հայտնի է «Պոտյո» մականվամբ, իսկ նրա քավորը ՀՀ ոստիկանության նախկին պետ, ոստիկանության գեներալ-գնդապետ Վլադիմիր Գասպարյանի անվտանգության ծառայության նախկին պետ Արշակ Հակոբյանն է:

Նշված վայրում կան մեծ թվով տեղադրված տեսախցիկներ եւ իրավապահները կարող են դրանց միջոցով հայտնաբերել կրակոցներ արձակողին:

Ինչպես ավելի վաղը հայտնել էր SHAMSHYAN.com-ը, նոյեմբերի 21-ին, կրակոցներ էին հնչել Երեւանում։ Ժամը 00։30-ի սահմաններում ոստիկանության Էրեբունու բաժին ահազանգ էր ստացվել, որ անհայտ անձը Տիգրան Մեծի պողոտայի 63 հասցեի մոտից անհայտ զենքով կրակոցներ է արձակել նույն պողոտայի 74 հասցեի ուղղությամբ։

Մանրամասները՝ սկզբնաղբյուր կայքում։