Կոչ եմ անում՝ րոպե առաջ վճարեք կոմունալ վարձերը, ամոթ է. Նիկոլ Փաշինյան
ՀասարակությունԵթե դուք սոցիալական խնդիր չունեք, սակայն 11, 12, 16 ծրագրերով աջակացություն եք ստացել կումունալ ծախսերի համար, նույն չափով փոխանցում արեք կորոնավիրուսի դեմ պայքարի հիմնադրամին: Այս մասին ֆեյսբուքյան ուղիղ եթերում հայտարարեց ՀՀ վարչապետ Նիկոլ Փաշինյանը:
Վարչապետը նշեց, որ խնդրանք ունի՝ բոլոր նրանք, ովքեր կոմունալ վճարների համար տրվող գումարների կարիքը չունեն, թող իրենց հաշիվներին նստած գումարները փոխանցեն կորոնավիրուսի դեմ պայքարի հիմնադրամին:
«Մի գաղտնիք եմ ուզում ասել, որը թող մեր մեջ մնա: Ես անուն ազգանուններով գիտեմ, այսօր կան մարդիկ, ովքեր խնդիր չունեն, սակայն պարտք ունեն հոսանքի կամ գազի դիմաց: Խնդրում եմ գնացեք ու վճարեք, քանի որ դուք, հնարավորություն ունենալով ու չվճարելով մեզ հետ խնդիրներ ստեղծեցիք նրանց համար, ովքեր չունեն հնարավորություն: Կոչ եմ անում րոպե առաջ վճարել կոմունալ վարձերը, ամոթ է: Խոսքը նրանց մասին է, ովքեր հնարավորություն ունեն»,-ասաց Փաշինյանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
