Կրկնակի վարակման դեպքեր են գրանցվել Հայաստանում. Արսեն Թորոսյան
Հասարակություն
«Կորոնավիրուսով կրկնակի վարակման դեպքեր են գրանցվել Հայաստանում: Նման դեպքերը մեզ մոտ այս պահին երեքն են, նրանք գանգատ չունեն, անհանգստացնող սիմպտոմ չունեն, բայց դուրսգրումից ավելի քան երկու շաբաթ հետո կրկին վիրուս է հայտնաբերվել, նորից իզոլացրել ենք, որպեսզի այլ անձանց վարակելու հավանականությունը կանխարգելվի»,- ԱԺ առողջապահության և սոցիալական հարցերի մշտական հանձնաժողովի նիստի ընթացքում ասաց առողջապահության նախարար Արսեն Թորոսյանը։
Թորոսյանը, սակայն նաև նշում է, որ ակադեմիական մեծ դեբատ է ընթանում աշխարհում, և ամեն օր թարմ տվյալներ են ստանում, թե արդյոք դա կրկանի վարակ է, թե օրգանիզմում եղել է վիրուսի ապակտիվացում, հետո նորից ակտիվացել է։
«Նման դեպքեր արձանագրվել են նաև Չինաստանում և Հարավային Կորեայում, և հենց տեղի գիտնականներն էլ եկել էին այն եզրահանգման, որ վարակի մասնիկները մոտ երկու-երեք ամիս մնում են մարդու բերանի ու կոկորդի խոռոչներում և հայտնաբերվում է թեստի արդյունքում ու գրանցվում է կրկնակի վարակման դեպք: Սակայն այս դեպքում վիրուսը չի բազմանում ու չի տարածվում: Չնայած սա ամբողջությամբ ապացուցված չէ, այնուամենայնիվ, վարակված ու բուժված լինելու դեպքում էլ, պետք է պահպանել անվտանգության նորմերը»,-նշում է նախարարը:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
