«Լիվերպուլը» հիանալի ակումբ կլիներ Հոլանդի համար․ Կապելո

Դորտմունդի «Բորուսիայի» հարձակվող Էրլինգ Հոլանդի՝ «Լիվերպուլ» տեղափոխությունը իդեալական տրանսֆեր կլիներ անգլիական թիմի համար, ասաց Ռուսաստանի ֆուտբոլի ազգային հավաքականի նախկին գլխավոր մարզիչ Ֆաբիո Կապելոն: Ըստ Կապելոյի՝ Հոլանդի ֆիզիկական տվյալները, արագությունն ու ոճը նրան կդարձնեն իդեալական խաղացող «Լիվերպուլի» համար: Նա նաև նշել է «կարմիրների» գլխավոր մարզիչ Յուրգեն Կլոպի՝ իր հարձակվողներին աշխարհի լավագույն ֆուտբոլիստների վերածելու ունակությունը: Հոլանդը մրցաշրջանը սկսեց ավստրիական «Զալցբուրգում», 2020-ի ձմռանը նա տեղափոխվեց «Բորուսիա» ՝ 20 միլիոն եվրոյի դիմաց: Այս ամբողջ մրցաշրջանում 19-ամյա հարձակվողը 34 խաղում խփեց 41 գնդակ: Խաղացողի գործող պայմանագիրը գերմանական ակումբի հետ ուժի մեջ է մինչև 2024 թվականը: