ԱՀ նախագահի երդման արարողության մուտքը կլինի ձեռնոցով և դիմակով, ներկաները կջերմաչափվեն

2020 թվականի մայիսի 21-ին Արցախի Հանրապետության նախագահի երդմնակալության արարողության ժամանակ COVID-19 կորոնավիրուսի ներթափանցումը կանխարգելող հակահամաճարակային միջոցառումների իրականացման շրջանակներում ԱՀ առողջապահաության նախարարության կողմից կազմակերպվել են մի շարք աշխատանքներ: Այդ մասին տեղեկացնում է Արցախի տեղեկատվական շտաբը:

Միջոցառման վայրերում ժամը 16:00-ից կկազմակերպվի հերթապահություններ՝ Ստեփանակերտի շտապ բժշկական օգնության բրիգադների միջոցով:

Բացի վերը նշվածից՝ բժշկասանիտարական հսկիչ կետերի կողմից կիրականացվեն ԱՀ մուտք գործող քաղաքացիների նկատմամբ հսկողություն` նախարարության մասնագետների վերահսկողությամբ: