Միշտ Ձեր կողքին ենք լինելու. Պարգեւ Սրբազանը՝ Արայիկ Հարությունյանին
Արցախ
Արցախի խորհրդարանի այսօր ընթացող հատուկ նիստում ելույթ ունեցավ Հայ եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, ով իր խոսքն սկսեց շնորհակալություն հայտնելով Արցախի բոլոր իշխանավորներին՝ սկսած լուսահոգի Արթուր Մկրտչյանով:
«Շնորհակալ ենք իրենցից, վստահ ենք, որ նորընտիր նախագահն էլ ավելի կավելացնի այդ գանձարանի շտեմարանի վրա իր շարքը, որով ավելի կամրապնդվենք ու ավելի զորեղ կդառնանք:
Նախագահ կնշանակի առաջին գահը, բուրգի վրա բազմողը: Պողոս առաքյալն ասում է՝ ամեն իշխանություն Աստծուց է, հնազանդ եղեք իշխանությանը: Մեր դարերում նախագահ նշանակում է իշխանաց իշխան կամ թագավոր: Եթե ժողովուրդը մեղքի մեջ ընկավ, նախագահը ծնկի իջավ, աղոթեց, Աստված դա անպայման լսում է, բայց եթե առաջին դեմքը սխալվեց, ամբողջ ազգը ծնկի գա, մենք չգիտենք՝ Աստված կների, թե ոչ»,-ասաց նա:
«Վստահ եմ, որ անմնացորդ կնվիրվեք, ինչպես 17 տարեկանում զենքը ուսին պաշտպանել եք մեր հայրենիքը, այսօր շարունակելու ենք նույն վսեմ առաքելությունը ամենաբարձր դիրքից: Մեր աղոթքն է արդարություն տարածեք, ազնվություն սերմանեք: Միշտ Ձեր կողքին ենք լինելու: ժողովուրդը Ձեր եւ Ձեր թիմի հետ մեծ հույսեր է կապում»,-ընդգծեց սրբազանը:
Պարգեւ Սրբազանն իր խոսքն ավարտեց աղոթքով, որի ընթացքում Արայիկ Հարությունյանը ձեռքը դրել էր ավետարանի վրա:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
