2 դպրոց, 4 թատրոն, կինոկենտրոն, թվով 1 քոլեջ և 1 գիտահետազոտական կենտրոն կվերանորոգվի

ԿԳՄՍ նախարար Արայիկ Հարությունյանը կառավարության հավանությանն է ներկայացրել որոշման նախագիծ, որով նախատեսվում է գումար հատկացնել մի շարք կրթական և մշակութային օբյեկտների (կինոկենտրոն, թվով 1 քոլեջ, թվով 2 դպրոց, թվով 4 թատրոն, թվով 1 գիտահետազոտական կենտրոն) հիմնանորոգման, առանձին  սենյակների նորոգման, ցանկապատման գույքային և տեխնիկական հագեցվածության բարելավման համար։

Հայաստանի Հանրապետության կառավարության որոշման նախագծով նախատեսվում է ՀՀ կրթության, գիտության, մշակույթի և սպորտի նախարարության 2020 թվականի հաստատված բյուջեով մի շարք միջոցառումների գծով տնտեսված միջոցներից, ինչպես նաև Հայաստանում կորոնավիրուսի (COVID-19) համաճարակի հետևանքով հայտարարված արտակարգ դրության պայմաններում չեղարկվող միջոցառումների հատկացումներից 317,993.600 դրամ (բյուջետային ծախսերի տնտեսագիտական դասակարգման Շենքերի և շինությունների կապիտալ վերանորոգում հոդվածով՝ 85,596.4 հազար դրամ, Կապիտալ դրամաշնորհներ պետական և համայնքային ոչ առևտրային կազմակերպություններին հոդվածով՝ 164,630.700 դրամ, Այլ կապիտալ դրամաշնորհներ հոդվածով` 60,000.000 դրամ և «Այլ ընթացիկ դրամաշնորհներ» հոդվածով` 7.766.500 դրամ) վերաբաշխման միջոցով իրականացնել մի շարք կրթական և մշակութային հաստատությունների շենքային պայմանների բարելավման գործընթացի կազմակերպման համար շինարարական աշխատանքներ: