Al Jazeera-ն անդրադարձել է Գագիկ Ծառուկյանի կալանավորմանը

Al Jazeera-ն հրապարակմամբ անդրադարձել է Գագիկ Ծառուկյանի կալանավորմանը:

Հայաստանում ընդդիմության առաջնորդ Գագիկ Ծառուկյանը ենթարկվել է երկամսյա կալանքի` մինչ ենթադրյալ ֆինանսական հանցագործությունների գործով դատավարությունը, գրում է Al Jazeera-ն։ Հունիսին խորհրդարանը անձեռնմխելիությունից զրկեց երկրի ամենահարուստ գործարարներից մեկին՝ Գագիկ Ծառուկյանին՝ թույլ տալով դատախազներին հետաքննություն սկսել նրա նկատմամբ: 63-ամյա քաղաքական գործչին մեղադրանք է առաջադրվել ապօրինի խաղային բիզնես վարելու համար, որը պետական ​​դրամարկղին հասցրել է մոտ 60 միլիոն դոլարի վնաս: Նա նաև մեղադրվում է 2017-ի խորհրդարանական ընտրություններում ձայներ գնելու մեջ: Խորհրդարանի՝ ձայների մեծությամբ երկրորդ խմբակցության՝ «Բարգավաճ Հայաստան» կուսակցության առաջնորդ Գագիկ Ծառուկյանը հերքում է իր մասնակցությունը որևէ անօրինական գործունեությանը։ Ընդդիմության առաջնորդը, որը ուրբաթ օրը չէր ներկայացել դատարանի դահլիճ և սպասում էր իր ձերբակալությանը ազգային անվտանգության ծառայության շենքի մոտ, ասաց, որ իր քրեական հետապնդումը վարչապետ Նիկոլ Փաշինյանի «քաղաքական պատվերն է»: «Նրանք, ովքեր կատարել են այդ պատվերը, շատ շուտով պատասխանատվության կենթարկվեն», - ասաց նա լրագրողներին: Ծառուկյանի փաստաբան Սամվել Դիլբանդյանը AFP լրատվական գործակալությանը հայտնեց, որ ինքը բողոքարկելու է դատարանի վճիռը: