Բայդենը չեղյալ է հայտարարել Թրամփի մի շարք համաձայնագրերը

Ջո Բայդենը, ով հունվարի 20-ին դարձավ ԱՄՆ 46-րդ նախագահը, կառավարման հենց առաջին օրը չեղյալ է հայտարարել Դոնալդ Թրամփի մի քանի համաձայնագրեր: Մասնավորապես, նա հավանություն է տվել Միացյալ Նահանգների վերադարձին Առողջապահության համաշխարհային կազմակերպությանը: Թրամփը ԱՄՆ-ի ելքի գործընթացը սկսել էր անցած տարվա հուլիսին՝ մեղադրելով կազմակերպությանը կորոնավիրուսի համաճարակի մասշտաբները Չինաստանի շահերից թաքցնելու և բարեփոխումներից հրաժարվելու մեջ:
Բայդենը վերադարձրել է նաև Փարիզի կլիմայական համաձայնագիրը, որից նախկինում Թրամփը որոշել էր դուրս գալ: Փաստաթուղթը ենթադրում է մթնոլորտ ածխածնի արտանետումների նվազում: Նոր նախագահը դադարեցրել է նաև Մեքսիկայի հետ սահմանին պատի կառուցումը և վերացրել արտակարգ դրությունը սահմանային շրջաններում: Թրամփի վարչակազմը նախկինում խստացրել էր միգրանտների համար երկիր մուտք գործելու կանոնները, ինչպես նաև պատ էր կանգնեցրել Մեքսիկայի հետ սահմանի մեծ մասում՝ կանխելու ԱՄՆ ապօրինի մուտքը: Թրամփը խոստացել էր կառուցել 720-800 կիլոմետր երկարությամբ արգելապատնեշ: Միևնույն ժամանակ, Բայդենը ավելի վաղ հստակեցրել էր, որ չի քանդելու արդեն կառուցվածը:
Բացի այդ, Բայդենը հրամանագիր է ստորագրել Մերձավոր Արևելքի մի քանի երկրների բնակիչների ԱՄՆ մուտքի սահմանափակումները վերացնելու մասին: 2017-ին Թրամփը արգելել էր Իրանի, Լիբիայի, Սիրիայի, Եմենի, Սոմալիի, Սուդանի ու Իրաքի քաղաքացիների մուտքը: