Բայդենը գրասենյակից հեռացրել է այն կոճակը, որի միջոցով Թրամփը կոլա էր պատվիրում․ Associated Press

ԱՄՆ նախագահ Ջո Բայդենը Սպիտակ տան իր սեղանից հանել է այն կարմիր կոճակը, որով Դոնալդ Թրամփը զանգահարում էր մատուցողին իր սիրած ըմպելիքը՝ կոլան բերելու համար, հաղորդում է Associated Press-ը: Ավելի վաղ ԶԼՄ-ները բազմիցս հայտնել էին կոլայից Թրամփի կախվածության մասին և պնդում էին, որ Սպիտակ տան օվալաձև գրասենյակում նրա սեղանին հատուկ կոճակ կա՝ այս ըմպելիքը պատվիրելու նպատակով մատուցողին զանգահարելու համար: Նախկին նախագահն ինքը չի հերքել, որ սիրում է կոլա և համբուրգերներ, բայց պնդել է, որ, ընդհանուր առմամբ, ինքը «ճիշտ է սնվում»:
Ի լրումն այդ կարմիր կոճակի հեռացմանը՝ Բայդենի ժամանումից հետո Օվալաձև գրասենյակում տեղի են ունեցել նաև այլ փոփոխություններ: Այսպիսով, ըստ գործակալության, առավել ցայտուն փոփոխությունը մուգ կապույտ գորգն էր, որի կենտրոնում նախագահական կնիքն էր, որը վերջին անգամ օգտագործվել է Բիլ Քլինթոնի օրոք: Գորգից բացի, ըստ գործակալության, Բայդենը վերադարձրել է նաև այն վարագույրները, որոնք գտնվում էին Քլինթոնի օրոք:

78-ամյա դեմոկրատ Բայդենը դարձավ ԱՄՆ 46-րդ նախագահը: Նոյեմբերին նա նախագահական ընտրություններում հաղթեց հանրապետական ​​Դոնալդ Թրամփին: