ՔՊ նախընտրական ցուցակի ամենահարուստ թեկնածուների թոփ 10-ը

2018-ին տեղի ունեցած հեղափոխության արդյունքում իշխանության եկավ մի թիմ, որը, իր իսկ պնդմամբ, կազմված էր «քյասիբ» հեղափոխականներից: Այսօր այդ թիմը գնում է արտահերթ ընտրությունների և ՔՊ նախընտրական ցուցակի պարզ ուսումնասիրությունը ցույց  է տալիս, որ առնվազն «քյասիբի» մասով երեք տարի անց կարելի է լուրջ բանավիճել իշխանության ներկայացուցիչների հետ: Վերջիններս արդեն իսկ բավական մեծ եկամուտ են կուտակել: Դիցուք՝ ովքեր են ՔՊ նախընտրական ցուցակի ամենահարուստ 10 թեկնածուները:

Նախընտրական ցուցակի 4-րդ հորիզոնականում գտնվող գործարար Խաչատուր Սուքիասյանը ԿԸՀ-ին ներկայացրած հայտարարագրում նշել է 37 միավոր անշարժ գույք, որոնցից 35-ը գտնվում են Երեւանի Կենտրոն վարչական շրջանում, 2-ը՝ Կոտայքի մարզի Նուռնուս գյուղում: Գործող իշխանության թեկնածուն Երեւանի Կենտրոնում ունի 21 միավոր շինություն (այդ թվում՝ գործարան, բազա, կաթսայատուն, 3 ինքնակամ շինություն) եւ 14 միավոր հողամաս, իսկ Նուռնուսում՝ 1-ական հողամաս ու շինություն: Զգալի են Սուքիասյանի դրամական միջոցները, որոնք նա ունեցել է հայտարարագիրը ներկայացնելիս: Ըստ այդմ՝ «Քաղաքացիական պայմանագիր» կուսակցության թեկնածուն ունի 4,8 մլրդ դրամ (շուրջ 9 մլն դոլար), 185 հազ. եվրո եւ 2 մլն դոլար:

Գուրգեն Արսենյանի եկամուտը 2020-ին կազմել է 5 մլն 790 հազար դրամ, որը գոյացել է «Յունիքորն Գրուպ» ՍՊԸ-ից ստացած շահաբաժնից և վարձավճարից, ինչպես նաև 2 մլն 343 հազար դոլար, որի աղբյուրը «Արդշինբանկ» ՓԲԸ-ում ունեցած արժեթղթերն են ու նույն բանկից ստացած տոկոսները: Ինչ վերաբերում է դրամական միջոցներին, ապա պատգամավորը դարձյալ խոշոր գումար է հայտարարագրել՝ 26 մլն 520 հազ. դրամ, 11 մլն 702 հազ. 131 դոլար և 140 հազ. 200 եվրո:

Արսեն Թորոսյանը Bank Austria-ում «այլ արժեթղթի» տեսքով ներդրում ունի, որի արժեքը կազմում է 20 հազար 550 եվրո: Նշված ներդրումն իրականացրել է 2020թ. հունվարի 15-ին: Թեկնածուն արդեն հասցրել է իր ներդրումից եկամուտ ստանալ՝ 428 եվրո: ԿԸՀ ներկայացրած հայտարարագրի համաձայն` հաշվետու ժամանակահատվածում պատգամավորության թեկնածուն ունեցել է  ընդհանուր մոտ 22 մլն դրամ եկամուտ, որը նախարար եղած ժամանակվա և ներկայիս պաշտոնում ստացած աշխատավարձի գումարն է: Թորոսյանը 1117 դոլար եկամուտ էլ ստացել է «Ամերիաբանկ»-ում ներդրած ավանդից ստացած տոկոսներից: Թորոսյանի ավանդի չափը կազմում է 32 հազար դոլար: Թորոսյանի դրամական միջոցները կազմել են 2 մլն 125 հազար դրամ, մոտ 20 հազար դոլար և 10 հազար 400 եվրո:

Զարուհի Բաթոյանը 2020-ին հայտարարագրել է 21,897,452.00 դրամի եկամուտ:

Վարչապետ պաշտոնակատար Փաշինյանը  հայտարարագրել է 12 մլն 433 հազար 990 դրամ՝ մեկ տարում: Կոռուպցիայի կանխարգելման հանձնաժողով ներկայացված հայտարարագրում վարչապետի պաշտոնակատարը ներկայացրել է նաև տարեսկզբի դրությամբ առկա կանխիկ դրամական միջոցների ծավալը՝ 790 000 դրամ և 1800 դոլար։ Ուշագրավ է նաև ավանդների մասին տվյալը։ Եթե 2020 թվականի սկզբին այն կազմել է 4,5 մլն դրամ, ապա տարեվերջին դարձել է 2,5 մլն դրամ։

Արարատի նախկին մարզպետ Գարիկ Սարգսյանի եկամուտները կազմում են 11,614,100.00 ՀՀ դրամ:

Ռոմանոս Պետրոսյանը 2020 թվականին հայտարարագրել է 11,522,445.00 ՀՀ դրամ,35,000,000.00 դրամի ստացված փոխառություն,17,800,000.00 դրամ՝ գույքի օտարումից,874,497.00 փոխառություն:

Լենա Նազարյանի եկամուտները 2020-ին կազմել են  9,967,220.00 ՀՀ դրամ: Բանկային հաշվի մնացորդները՝ 2,000,000.00 ՀՀ դրամ:

Սուրեն Պապիկյանի եկամուտները կազմել են ՝ 26,762,300.00 դրամի փոխառությունը, բանկային հաշվի մնացորդը ՝ 13,111,733.00 ՀՀ դրամ, կանխիկ՝ 2,300,000.00 ՀՀ դրամ և 2,000.00 ԱՄՆ դոլար: Աշխատանքի դիմաց վարձատրությունը կազմել է 17,964,783.00 ՀՀ դրամ, ստացված փոխառությունները՝ 18,733,610.00 դրամ, գույքը օտարելուց ստացված եկամուտը՝ 2,500,000.00 ՀՀ դրամ:

Միքայել Թումասյանի բանկային հաշիվների մնացորդը կազմել է 7,642,000.00 ՀՀ դրամ: Աշխատանքի դիմաց ստացած եկամուտը՝ 7,885,211.00 ՀՀ դրամ, 7,000,000.00 ՀՀ դրամի՝ փոխառություն: